Erum búnir að vera að æfa í Heiligenblut í Austurríki á miðvikudag, fimmtudag og föstudag í góðum aðstæðum. Strákarnir æfðu svig en ég stórsvig. Núna erum við komnir í íbúðina okkar í Slóveníu og verðum hér þangað til á morgun en þá held ég til æfinga annað hvort í Reiteralm eða Innerkrems, hvort tveggja í Austurríki.
-Stefán Jón Sigurgeirsson, Bart Mollin (hann æfir með okkur), Björgvin Björgvinsson, Árni Þorvaldsson og Gísli Rafn Guðmundsson
Höfum verið við æfingar á Tindastóli seinustu vikuna og æfðum risasvig, brun og svig. Það var nú frekar eiðinlegt veður, alltaf talsverður vindur en við fengum góðar æfingar 
og vorum á hótel Tindastól sem var mjög kósý, enda er húsið sem hótelið er í orðið um 150 ára gamalt. Það þurfti ekki að labba milli herbergja til að tala saman, það heyrðist vel í gegnum veggina 
Gekk vel hjá mér að skíða risasvig og brun, en ég gat hins vegar ekki skíðað svig útaf úlnliðsbrotinu. Bæði meiddi ég mig þegar ég kýldi stangirnar og svo missti ég alltaf stafinn, hafði ekkert grip. Þannig að ég hef tekið þá ákvörðun að æfa stórsvig, risasvig og brun fram að jólum eða þangað til ég losna úr gifsinu. Verð ég þá væntanlega orðinn helvíti góð hraðabolla þegar upp er staðið 
Nú er ég búinn að vera í gifsi í tvær og hálfa vikur. Í dag fór ég til læknis og fékk nýtt gifsi og röntgenmyndatöku. Læknirinn sagði mér það að ég þyrfti að vera í gifsi í a.m.k. sex vikur í viðbót en að ég mætti fara á skíði með því skilyrði að fara varlega vegna þess að það gæti verið slæmt að detta á gifsið. Ég fór á skíði um seinustu helgi og það gekk bara allt í lagi að skíða með gifsið þannig að ég hef ákveðið að hefja æfingar af fullum krafti.
Um helgina er fyrirhuguð landsliðsæfing á Sauðárkróki og er það vel vegna þess að það er spáð kólnandi og snjókomu . Vona bara það besta og að við fáum gott færi og veður.
-Gísli Rafn
