GísliRafn.com

Nú hefur verið valið hver fer á Evrópubikarmót innanhúss í Landgraaf í Hollandi og mun það vera Stefán Jón sem fær að starta þar ásamt Björgvini Björgvinssyni. Ég missti möguleikann á því að fá að keppa þegar úlnliðurinn brotnaði og er sem kunnugt er staddur á Íslandi. Þeir Árni Þorvaldsson og Sigurgeir Halldórsson sem einnig æfa með landsliði Íslands á skíðum verða áfram við æfingar í Mölltal í Austurríki fram í næstu viku.
Óska ég þeim Stefáni og Björgvini velfarnaðar í Evrópubikarnum, ég vona að Björgvin eigi eftir að bæta árangur sinn frá því í fyrra en þá endaði hann fimmti. Hvað Stefán varðar væri flott hjá honum að ná í topp 60 en þetta er hans fyrsta Evrópubikarmót.
Nú svo eru fréttir af úlnliðnum mínum þær að ég fer líklegast ekki í uppskurð en ég fæ að vita hvað ég þarf að vera lengi í gifsi í þessari viku. Svo reikna ég með að skella mér á skíði hérna heima eftir tvær vikur ef það verður snjór. Að vísu efast ég um að skíða í braut, frískíðun verður að duga til að byrja með.

Úlnliður brotinn from Gísli Guðmundsson on Vimeo.

Smá breyting á plani, förum út á sunnudag en ekki föstudag. Alltaf smá breytingar í þessum skíðum..! En við förum sem sagt á jökulinn Möltal í Austurríki (ef ekkert breytist hehe) og verðum þar í viku, svo förum við og æfum innanhús, líklega í Belgíu. Það verður fínt ef við förum í SnoWalley í Perth í Belgíu því þar fáum við að æfa frítt. Ástæðan fyrir því er að belginn Bart Mollin verður að æfa með okkur í liðinu í vetur og pabbi hans á höllina. Ekki slæmt það.
Svo er innanhúsevrópubikarröð sem byrjar 27. október. Spurning hvort maður fái að keppa þar, en það er undir þjálfaranum komið og veltur líka á hvernig mér á eftir að ganga á æfingum. Það er bara að massa þetta!

-Möltaler gletcher

Núna er ég búinn að vera heima síðan 22. sept og fer ekki út fyrr en 17. okt .
Er búinn að vera að vinna, vera í skólanum, og æfa þrekæfingar.
Svo fer ég í próf í kúrs sem heitir náttúruvernd 15. okt. Vona að krónan fari að styrkjast eitthvað svo við landsliðsmennirnir höfum efni á því að halda áfram að vera í landsliðinu…miðað við gengið núna er kostnaður fyrir veturinn búinn að hækka um 40% eða eina og hálfa milljón íslenskar krónur. Maður verður bara að herða sultarólina þangað til þetta lagast ;D

Skíðadeild Ármanns í fimleikum from Gísli Guðmundsson on Vimeo.